'ఉద్యోగం ఎరవేసి... మహిళను అరబ్​షేక్​కు అమ్మేశాడు'

ఓ మహిళకు ఉద్యోగం ఇప్పిస్తానంటూ... ఓ వ్యక్తి మోసం చేశాడు. ఏకంగా అరబ్​షేక్​లకు అమ్మేశాడు. బాధితురాలు అక్కడి నుంచి తప్పించుకుని.. ఇండియాకు చేరుకుంది. పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు.

విదేశాల్లో ఉద్యోగం ఇప్పిస్తానంటూ.. ఓ మహిళను ఓ ఏజెంట్​ ట్రాప్​ చేశాడు. ఏజెంట్ మాయ మాటలను నమ్మిన ఆ మహిళ దుబాయ్​కి వెళ్లింది. అక్కడికి వెళ్లాకే.. తనను అమ్మేశారని తెలుసుకుంది.

బాధితురాలితో అరబ్​షేక్​లు వ్యభిచారం చేయించారు. అక్కడి నుంచి చాకచక్యంగా తప్పించుకొని ఇండియాకు చేరుకున్న బాధితురాలు... ఏంజెట్ రహీంపై శంషాబాద్ ఎయిర్ పోర్ట్ పోలీసులకు ఫిర్యాదు చేశారు. దుబాయ్​లో ఉద్యోగం ఇప్పిస్తానంటూ దుబాయ్​ షేక్​లకు అమ్మివేసినట్లు ఫిర్యాదులో బాధితురాలు పేర్కొంది.

షేక్​లు తనను శారీరకంగా, మానసికంగా హింసించారని పోలీసుల ముందు గోడు వెల్లబోసుకుంది. బాధితురాలి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

ఏజెంట్​ రహీం కోసం రంగంలోకి ఎయిర్​పోర్ట్​ పోలీసులు దిగారు. ఇంకా ఎవరెవరిని మోసం చేశాడనే కోణంలో దర్యాప్తు చేపట్టారు. ఏజెంట్ రహీంతో పాటు... అతనికి సహకరించిన సాదీక్​, హిమాన్​ అనే మరో ఇద్దరిని అరెస్టు చేశారు. ముగ్గురిపై పలు సెక్షన్​ల కింద కేసులు నమోదు చేసి.. రిమాండ్​కు తరలించారు.

• ఇదీ చూడండి:వీడిన మిస్టరీ... హత్యకు వివాహేతర సంబంధమే కారణం