నాగర్ కర్నూలు జిల్లాలో దారుణం చోటు చేసుకుంది. జిల్లా ఆసుపత్రిలో ఓ మైనర్ బాలికపై ధీరజ్ అనే యువకుడు శుక్రవారం అర్ధరాత్రి అసభ్యంగా ప్రవర్తించాడు. అందుకు సంబంధించిన వివరాలు ఈ విధంగా ఉన్నాయి. నాగర్‌కర్నూలు పట్టణానికి చెందిన ఓ మహిళ ఆరోగ్యం బాగా లేక పోవడంతో మూడురోజుల క్రితం ప్రభుత్వ ఆసుపత్రిలో చేరింది. ఆమెకు తోడుగా 12ఏళ్ల కుమార్తె ఆసుపత్రిలో ఉంటోంది.
జిల్లా ఆసుపత్రిలో ఓ కాంట్రాక్టర్ కింద పెయింటర్‌గా పనిచేస్తున్న యూపీకి చెందిన 21 ఏళ్ల ధీరజ్ నిన్న అర్ధరాత్రి బాలికను చేయి పట్టుకుని బలవంతంగా తీసుకెళ్లి అసభ్యకరంగా ప్రవర్తించాడు. ఈ లోపు ఆసుపత్రి సెక్యూరిటీ సిబ్బంది రౌండ్ వేస్తూ ఉండగా... శబ్దాలు రావడంతో తలుపు తీసి అతనికి దేహశుద్ధి చేసి పోలీసులకు సమాచారం అందించారు. ఈ విషయమై విచారణ చేపట్టిన పోలీసులు నిందితుడిని అదుపులోకి తీసుకొని రిమాండ్‌కు తరలించారు. అతడిపై పోక్సో, నిర్భయ చట్టాల కింద కేసు నమోదు చేసి దర్యాప్తు చేస్తున్నట్టు పోలీసులు తెలిపారు