Dasari Arunkumar Arrest: దాసరి అరుణ్​కుమార్ అరెస్ట్​.. మద్యం మత్తులో ఏం చేశాడంటే..?

Dasari Arunkumar Arrest: నటుడు దాసరి అరుణ్​కుమార్​పై డ్రంక్​ అండ్​ డ్రైవ్​ కేసు నమోదైంది. మద్యం మత్తులో కారును అతివేగంగా నడుపుతూ.. రెండు ద్విచక్రవాహనాలను ఢీకొన్న అరుణ్​కుమార్​ను పోలీసులు అదుపులోకి తీసుకున్నారు. పలు సెక్షన్ల కింద కేసు నమోదు చేసి దర్యాప్తు చేస్తున్నారు.

Dasari Arunkumar Arrest: సినీనటుడు దాసరి అరుణ్‌కుమార్‌పై హైదరాబాద్​ బంజారాహిల్స్‌ పోలీస్​స్టేషన్‌లో కేసు నమోదైంది. ఇవాళ(జనవరి 20) తెల్లవారుజామున 4గంటల ప్రాంతంలో బంజారాహిల్స్ రోడ్‌ నెంబర్ 12లోని సయ్యద్​నగర్​.. అతివేగంగా కారు నడుపుతూ రెండు ద్విచక్రవాహనాలను ఢీకొట్టాడు. అక్కడితో ఆగకుండా.. మరింత వేగంతో దూసుకెళ్లాడు. స్థానికుల సమాచారంతో అదే ప్రాంతంలో ఉన్న పెట్రోలింగ్​ పోలీసులు అరుణ్​కుమార్​ కారును.. వెంబడించి పట్టుకున్నారు.

• సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

మద్యం సేవించినట్టు నిర్ధరణ..

అరుణ్​కుమార్​ను అదుపులోకి తీసుకున్న పోలీసులు.. ఉస్మానియా ఆస్పత్రిలో వైద్యపరీక్షలు నిర్వహించారు. ఈ పరీక్షల్లో అరుణ్​కుమార్​ మద్యం సేవించినట్టు నిర్ధరణ అయ్యింది. మద్యం సేవించి వాహనం నడపటమే కాకుండా.. రెండు ద్విచక్రవాహనాలను ఢీకొట్టినందుకు గానూ అరుణ్​కుమార్​పై పోలీసులు కేసు నమోదు చేశారు. 185, 336 ఐపీసీ సెక్షన్ల కింద కేసు నమోదు చేసిన పోలీసులు.. సీసీ ఫుటేజీ అధారంగా దర్యాప్తు జరుపుతున్నారు.

ఇదీ చూడండి: