ద్విచక్రవాహనాన్ని ఢీ కొట్టిన లారీ.. యువకుడు మృతి

భువనగిరి జిల్లా కేంద్రంలో రోడ్డు ప్రమాదం జరిగింది. ద్విచక్రవాహనంపై ప్రయాణిస్తోన్న ఓ యువకుడిని ఎదురుగా వస్తున్న లారీ ఢీ కొట్టింది. ఈ ఘటనలో అతడు అక్కడికక్కడే మరణించాడు. కేసు నమోదు చేసిన పోలీసులు దర్యాప్తు చేపట్టారు.

ద్విచక్రవాహనంపై వెళుతోన్న భాను ప్రసాద్ అనే యువకుడిని ఎదురుగా వస్తోన్న లారీ ఢీ కొట్టిన ఘటన యాదాద్రి భువనగిరి జిల్లా కేంద్రం సమీపంలోని స్పిన్నింగ్ మిల్లు వద్ద జరిగింది. ఈ ప్రమాదంలో అతడు అక్కడికక్కడే మృతిచెందాడు.

భువనగిరి పట్టణ కేంద్రానికి చెందిన వాసం భాను ప్రసాద్‌ ద్విచక్రవాహనంపై భువనగిరి నుంచి బీబీనగర్ వైపు వెళుతున్నాడు. ఈ క్రమంలో స్పిన్నింగ్ మిల్లు వద్ద ఎదురుగా వస్తోన్న లారీ అతన్ని ఢీ కొట్టింది. ఈ ప్రమాదంలో అతడు అక్కడికక్కడే మృతి చెందాడు. ఘటనా స్థలికి చేరుకున్న పోలీసులు మృతదేహాన్ని పోస్టుమార్టం కోసం భువనగిరి జిల్లా ఆసుపత్రికి తరలించారు. ఘటనపై కేసు నమోదు చేసి దర్యాప్తు చేపట్టారు.

ఇదీ చదవండి:భార్యను కత్తితో నరికి... భర్త ఆత్మహత్య