ఒకదానికొకటి ఢీకొన్న ఆటోలు.. 10 మందికి గాయాలు

ఆటోలు ఒకదానికొకటి ఢీకొని 10 మంది గాయపడిన ఘటన పెద్దపల్లి జిల్లా రామగుండం ఎన్టీపీసీ పోలీస్​ స్టేషన్​ పరిధిలో జరిగింది. కేసు నమోదు చేసుకున్న పోలీసులు విచారణ చేపట్టారు.

పెద్దపల్లి జిల్లా రామగుండం ఎన్టీపీసీ పోలీస్ స్టేషన్​ సమీపంలో రాజీవ్ రహదారిపై రోడ్డు ప్రమాదం జరిగింది. ఓవర్ స్పీడ్​తో వెళ్లిన బైక్ సడన్ బ్రేక్ వేయడంతో దాని వెనుకాలే ప్రయాణికులతో వస్తున్న రెండు ఆటోలు ఒకదానికొకటి ఢీకొని బోల్తా కొట్టాయి.

ఈ ఘటనలో ఎన్టీపీసీ పవర్ ప్లాంటులో కూలీ పనులకోసం ఆటోలో వెళ్తున్న ఆరుగురు మహిళలతో పాటు డ్రైవర్​కు తీవ్ర గాయాలయ్యాయి. మరో ఆటోలోని ఇద్దరు మహిళలు, డ్రైవరుకు గాయాలయ్యాయి. సమాచారం అందుకున్న పోలీసులు ఘటనా స్థలికి చేరుకుని క్షతగాత్రులను గోదావరిఖని ప్రభుత్వ ఏరియా అసుపత్రికి తరలించారు. గోదావరిఖని నుంచి పెద్దపల్లి వెళ్తుండగా ఈ ఘటన జరిగింది.

ఇదీ చదవండి:'ప్రైవేటు ఆస్పత్రుల్లో చికిత్సపై తాజా మార్గదర్శకాలు ప్రకటించండి'