ACB Raids on GHMC Town Planning Officer house: ఆదాయానికి మించి ఆస్తులు కలిగి ఉన్నారనే ఆరోపణలతో జీహెచ్ఎంసీ శేరిలింగంపల్లి పట్టణ ప్రణాళికాధికారి నరసింహ రాములు నివాసంలో అనిశా సోదాలు నిర్వహిస్తోంది. ఈ తెల్లవారుజాము నుంచి తనిఖీలు విస్తృతంగా కొనసాగుతున్నాయి. మూసారాంబాగ్‌లోని ఆయన నివాసంతో పాటు శేరిలింగంపల్లి జీహెచ్ఎంసీ కార్యాలయం, బంధువులు, స్నేహితుల నివాసాల్లో మొత్తం నాలుగు చోట్ల అనిశా సోదాలు చేస్తోంది.
సోదాల్లో ఏసీబీ అధికారులు ఆదాయానికి మించి ఏమేం ఆస్తులు గుర్తించారనే విషయం తెలియాల్సి ఉంది. ప్రస్తుతం తనిఖీలు ఇంకా కొనసాగుతున్నాయి. ముసారాంబాగ్‌లోని శాలివాహన కాలనీతోపాటు కొత్తపేటలోని గ్రీన్‌ హీల్స్‌ కాలనీలోని ఆయనకు సంబంధించిన ఇళ్లలో సోదాలు నిర్వహిస్తున్నారు. నరసింహ రాములుపై అనిశాకు అనేక ఫిర్యాదులు అందినట్టు సమాచారం.