ACB raids at FRO: అటవీశాఖలో అవినీతి చేపలు.. రెడ్​ హ్యాండెడ్​గా పట్టుకున్న అనిశా

ACB raids at FRO: మరో అవినీతి అధికారి అనిశా వలకు చిక్కారు. రూ.80 వేలు లంచం తీసుకుంటుండగా శంషాబాద్ అటవీ శాఖ అధికారి శ్యామ్​ కుమార్​ను రెడ్​ హ్యాండెడ్​గా పట్టుకున్నారు. అతనికి సంబంధించిన నివాసాల్లో అనిశా అధికారులు సోదాలు నిర్వహించారు.

ACB raids at FRO: అటవీశాఖలో అవినీతి చేపను అనిశా అధికారులు రెడ్​ హ్యాండెడ్​గా పట్టుకున్నారు. ఓ వ్యక్తి ఫిర్యాదుతో రంగంలోకి దిగిన అనిశా అధికారులు రంగారెడ్డి జిల్లా శంషాబాద్ అటవీశాఖ అధికారి శ్యామ్​ కుమార్ అదుపులోకి తీసుకున్నారు. అతనితో పాటు మరో వ్యక్తి విరియా నాయక్​ను కూడా అనిశా అధికారులు పట్టుకున్నారు. టింబర్​ డిపో అనుమతి కోసం రూ.80 వేలు లంచం తీసుకుంటూ అనిశా అధికారులకు చిక్కారు. అవినీతిపై పూర్తిస్థాయిలో దర్యాప్తు చేస్తున్నట్లు ఏసీబీ డీఎస్పీ సూర్యనారాయణ తెలిపారు. శంషాబాద్​ ఎఫ్‌ఆర్‌వో శ్యామ్ కార్యాలయం, అతని నివాసంలో అధికారులు సోదాలు నిర్వహించారు. శంషాబాద్ కోత్వాల్​గూడలో టింబర్ డిపో అనుమతి కోసం లంచం అడుగుతున్నారని సికింద్రాబాద్​లోని తార్నాకకు చెందిన వెంకటేశ్ అనే వ్యక్తి అనిశా అధికారులను ఆశ్రయించారు.

ఇవీ చూడండి:కత్తితో భార్యను నాలుగుసార్లు పొడిచి.. కుమార్తె గొంతు కోసి..