అనిశాకు చిక్కిన ఎస్​ఆర్​‌నగర్‌ ఎస్సై

సర్కారు కార్యాలయాల్లో.. ప్రతి పనికి ఎంతో కొంత ముట్టజెప్పందే పని జరగడం లేదనడానికి నిత్యం ఎన్నో సంఘటనలు మనకు తారసపడుతునే ఉన్నాయి.హైదరాబాద్​లోని ఎస్​ఆర్​నగర్​ ఠాణా ఎస్సై... రూ.25వేలు లంచం తీసుకుంటూ అనిశా అధికారులకు చిక్కాడు.

హైదరాబాద్,​ ఎస్​ఆర్​నగర్​ ఎస్సై.. అవినీతి నిరోధకశాఖ వలలో చిక్కాడు. ఓ కేసు సెటిల్‌మెంట్ ​విషయంలో.. లంచం డిమాండ్ చేసిన భాస్కర్​రావును ఏసీబీ అధికారులు రెడ్ ​హ్యండెడ్​గా పట్టుకున్నారు.

గత నెల బల్కంపేట్​లో ఆటోలో అక్రమంగా తరలిస్తోన్న పీడీఎస్​ గోధుమల కేసుపై భాస్కర్​రావు దర్యాప్తు చేస్తున్నారు. అక్రమానికి పాల్పడ్డ ఆటో ట్రాలీని వదిలేసేందుకు.. ఎస్సై రూ.25 వేలు డిమాండ్ చేశారనే విషయం అనిశా దృష్టికి వెళ్లింది. ఆటో యజమాని.. ఎస్సైకు డబ్బులు ఇస్తుండగా అధికారులు పట్టుకున్నారు.

ఇదీ చదవండి:పొదుపు మహిళల ఖాతాల్లో సొమ్ము స్వాహా.. సీబీఐ కేసు నమోదు