తల్లి మందలించిందని యువతి బలవన్మరణం

తల్లి మందలించడంతో మనస్తాపానికి గురైన ఓ యువతి.. ఉరెసుకొని ఆత్మహత్య చేసుకుంది. ఈ ఘటన రంగారెడ్డి జిల్లా చేవెళ్లలో జరిగింది.

ఫోన్ అతిగా మాట్లాడొద్దని తల్లి మందలించడంతో.. తీవ్ర మనస్తాపానికి గురైన ఓ యువతి ఉరెసుకొని బలవన్మరణానికి పాల్పడింది. ఈ ఘటన రంగారెడ్డి జిల్లా చేవెళ్లలో జరిగింది

పామేనా గ్రామానికి చెందిన సుప్రియా(19) మొయినాబాద్‌లోని ఓ కళశాలలో బీఫార్మసీ మొదటి సంవత్సరం చదువుతోంది. బుధవారం మధ్యాహ్నం.. కూతురు ఫోన్ మాట్లాడుతుండటం గమనించిన తల్లి.. ఆమెను మందలించింది. అప్పుడప్పుడు కాస్త చదువు మీద కూడ శ్రద్ధ పెట్టాలని సూచించింది.

మనస్తాపానికి గురైన సుప్రియ.. గదిలోకి వెళ్లి చీరతో ఫ్యానుకు ఉరెసుకుంది. కూతురి మరణంతో.. తల్లిదండ్రులు కన్నీరుమున్నీరుగా విలపించారు.

ఇదీ చదవండి:భవనంపై నుంచి పడి గుత్తేదారు మృతి