ఆంధ్రప్రదేశ్లోని అనంతపురం జిల్లా మడుగుపల్లి గ్రామంలో నాటు బాంబులు తయారు చేస్తున్న యువకుడిని పుట్లూరు పోలీసులు అరెస్టు చేశారు. తయారు చేసిన నాటుబాంబులను విక్రయించడానికి వెళుతుండగా పోలీసులు అతన్ని పట్టుకున్నారు.
పుట్లూరు మండలం మడుగుపల్లి గ్రామానికి చెందిన యాపర్ల నరేష్ కుమార్ రెడ్డి(24) ఎలాగైనా డబ్బులు సంపాదించాలనుకున్నాడు. దీనికోసం నాటుబాంబులను తయారు చేయాలనుకున్నాడు. వాటిని ఎలా తయారు చేయాలో తెలియక.. యూట్యూబ్లో చూసి నేర్చుకున్నాడు.
నాటుబాంబుల తయారీకి కావల్సిన సామాగ్రిని సిద్ధం చేసుకున్నాడు. ఊరిబయట ఉన్న అరటి తోటలో రెండు నాటుబాంబులను తయారు చేశాడు. ఆ బాంబులను అమ్మడానికి అనంతపురం వెళుతుండగా.. మడుగుపల్లి నుంచి నార్పలకు వెళ్లే దారిలో పోలీసులు అతన్ని పట్టుకున్నారు. నరేష్ కుమార్ రెడ్డిపై కేసు నమోదు చేసి రిమాండ్కి తరలించారు.