పెళ్లి కావడం లేదని భవనం పైనుంచి దూకి యువకుడు ఆత్మహత్య

Youngman Suicide in koti: పెళ్లి కావడం లేదని మనస్తాపంతో ఓ యువకుడు ఆత్మహత్య చేసుకున్నాడు. హైదరాబాద్​ కోఠిలోని ఆంధ్రాబ్యాంకు కూడలిలో.. ఓ భవనం పైనుంచి దూకి బలవన్మరణానికి పాల్పడ్డాడు. మృతుడు ఏపీలోని ప్రకాశం జిల్లా వాసిగా పోలీసులు గుర్తించారు.

Youngman Suicide in koti: పెళ్లి కాలేదని మనస్తాపంతో పాతికేళ్లకే ఓ యువకుడు బలవన్మరణానికి పాల్పడ్డాడు. హైదరాబాద్​ కోఠిలోని ఆంధ్రా బ్యాంకు కూడలిలో ఈ ఘటన చోటుచేసుకుంది. అక్కడే నూతనంగా నిర్మించిన ఓ షాపింగ్​ మాల్​ సెంటర్​ భవనం ఐదో అంతస్తు పైనుంచి దూకి ఆత్మహత్య చేసుకున్నాడు. సమాచారం అందుకున్న పోలీసులు ఘటనాస్థలికి చేరుకున్నారు. మృతుడు ఏపీలోని ప్రకాశం జిల్లాకు చెందిన డానియల్(25)గా గుర్తించారు.

ఇంకా పెళ్లి కావడం లేదనే కారణంతోనే డానియల్​ మానసికంగా కుంగిపోయినట్లు సుల్తాన్​ బజార్​ పోలీసులు తెలిపారు. పోస్టుమార్టం నిమిత్తం మృతదేహాన్ని ఉస్మానియా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.

ఇదీ చదవండి:యూట్యూబర్​తో కలిసి పబ్​కు వెళ్లారు.. కొబ్బరి బొండాల్లో మద్యం తాగారు..