పోలీస్ ఉద్యోగం రాలేదని.. యువకుడు ఆత్మహత్య

A young man committed suicide in Hanuma konda district: కుమారుడు బాగా చదివి ఉద్యోగం సంపాదిస్తాడని, తమని సంతోషంగా చూసుకుంటాడని తల్లిదండ్రులు అనుకున్నారు. వారు అనుకున్నట్లే చదివాడు కానీ.. ఉద్యోగం రాలేదు. ఆ బాధను తట్టుకోలేక ఆత్మహత్య చేసుకున్నాడు. ఈ విషాద ఘటన హనుమకొండ జిల్లాలో జరిగింది.

A young man committed suicide in Hanuma konda district: పోలీస్ ఉద్యోగం రాలేదని ఓ యువకుడు ఆత్మహత్య చేసుకున్నాడు. ఇంటికొస్తే పోలీస్ ఉద్యోగంతోనే వస్తానని తల్లిదండ్రులకు చెప్పి.. చివరకు విగత జీవిగా మారిన ఘటన హనుమకొండ జిల్లాలో జరిగింది. బందువుల కథనం ప్రకారం... హనుమకొండ జిల్లా ఐనవోలు మండలం సింగారం గ్రామానికి చెందిన జక్కుల రాజ్​కుమార్​ కొన్ని సంవత్సరాలగా పోలీస్ ఉద్యోగం కోసం సన్నద్ధం అవుతున్నాడు. ఈ క్రమంలోనే కానిస్టేబుల్​ ప్రిలిమినరీ ఎగ్జామ్​ రాశాడు.

అందులో 3 మార్కులు తక్కువ రావడంతో తీవ్ర మనస్తాపానికి గురయ్యాడు. దీంతో యువకుడు మూడు రోజుల క్రితం పురుగుల మందు తాగి ఆత్మహత్యకు ఒడికట్టాడు. ఈ విషయం తెలుసుకున్న కుటుంబ సభ్యులు... వరంగల్​ ఎంజీఎం ఆస్పత్రికి తరలించారు. ఈరోజు చికిత్స పొందుతూ యువకుడు మృతి చెందాడు. ఎదిగిన కొడుకు కళ్లముందే విగత జీవిగా మారడంతో ఆ తల్లిదండ్రుల బాధకు హద్దు లేకుండా పోయింది.

ఇవీ చదవండి: