సంగారెడ్డి జిల్లా మొగుడంపల్లి మండలం జాడిమల్కాపూర్లో విషాదం నెలకొంది. ఇల్లరికం ఇంట్లో అత్తమామలు వేధిస్తున్నారని ఓ వ్యక్తి ఆత్మహత్య చేసుకున్నాడు. తన అన్నకు వాట్సాప్ వాయిస్ మెసేజ్ పంపి ఉరి వేసుకొని బలవన్మరణానికి పాల్పడ్డాడు. బంధువుల కథనం ప్రకారం.. జాడిమల్కాపూర్ గ్రామానికి చెందిన చాకలి వెంకటేశ్కు అదే గ్రామానికి చెందిన మమతతో ఐదేళ్ల క్రితం వివాహం జరిగింది. 8 రోజుల క్రితం వెంకటేశ్, మమత దంపతులకు మగ బిడ్డ పుట్టాడు.
మా అత్తమామలు వేధిస్తున్నారు.. అన్నకు మెసెజ్ పెట్టి తమ్ముడి ఆత్మహత్య
అత్తామామలు వేధిస్తున్నారని ఓ వ్యక్తి ఆత్మహత్యకు పాల్పడ్డాడు. వాట్సాప్లో అన్నకు వాయిస్ మెసెజ్ పెట్టి ప్రాణాలు తీసుకున్నాడు. ఈ ఘటన సంగారెడ్డి జిల్లాలో చోటుచేసుకుంది.
అత్తమామల అవమాన భారంతో యువకుడు ఆత్మహత్య
భార్య భర్తలు సంతోషంగా ఉన్న తరుణంలో.. అత్త మామలు అవమానిస్తూ వేధింపులకు గురి చేశారని అవమానభారంతోనే ఆత్మహత్యకు పాల్పడుతున్నానని వెంకటేశ్ ఏడుస్తూ అన్నకు వాయిస్ మెసేజ్ చేశాడు. అనంతరం గ్రామ శివారులోని చెట్టుకు ఉరి వేసుకుని ఆత్మహత్యకు పాల్పడ్డాడు. వెంకటేశ్ మృతిపై తల్లిదండ్రుల ఫిర్యాదు మేరకు జహీరాబాద్ రూరల్ పోలీసులు కేసు నమోదు చేసుకుని దర్యాప్తు చేస్తున్నారు. బిడ్డ పుట్టిన వారం రోజులకే తమ కుమారుడి మృతికి కారణమయ్యారని వెంకటేశ్ తల్లిదండ్రులు కన్నీరు మున్నీరుగా విలపిస్తున్నారు.
ఇవీ చదవండి: