వికారాబాద్ జిల్లా కుల్కచర్ల మండలం ఘోరి గడ్డ తాండాలో దారుణం జరిగింది. ఓ పెళ్లి వేడుకలో జరిగిన ఘర్షణలో ఓ యువకుడు కత్తిపోట్లకు గురయ్యాడు. మద్యం సేవించిన యువకులు నృత్యం చేస్తుండగా రాహుల్ అనే వ్యక్తిని సంజయ్ కత్తితో పొడిచాడు.
Knife Attack: వివాహ వేడుకలో ఘర్షణ... నృత్యం చేస్తుండగా యువకుడికి కత్తిపోట్లు
ఓ వివాహ వేడుక యువకుల మధ్య ఘర్షణకు దారితీసింది. మద్య సేవించి నృత్యం చేస్తుండగా వివాదం తలెత్తింది. ఈ గొడవలో ఓ యువకునిపై మరో వ్యక్తి కత్తితో దాడి చేశారు. ఈ ఘటన వికారాబాద్ జిల్లా కుల్కచర్ల మండలం ఘోరి గడ్డ తండాలో జరిగింది.
వివాహ వేడుకలో యువకుల మధ్య ఘర్షణ
ఈ గొడవలో గాయపడిన రాహుల్ అనే యువకుడిని పరిగి ప్రభుత్వ ఆస్పత్రికి తరలించారు. అతనికి అధిక రక్తస్రావం కావడంతో మెరుగైన చికిత్స కోసం ఉస్మానియా ఆస్పత్రికి తీసుకెళ్లారు. గొడవకు కారణమైన సంజయ్‌తో పాటు మరో ఇద్దరు యువకులను పోలీసులు అదుపులోకి తీసుకున్నారు. ఈ ఘటనపై కేసు నమోదు చేసుకుని దర్యాప్తు చేస్తున్నారు.