A Woman Committed Suicide: హనుమకొండ జిల్లాలో విషాద ఘటన చోటుచేసుకుంది. ఓ వివాహిత తన ఎనిమిది నెలల పాపతో కలిసి బావిలో దూకి ఆత్మహత్యకు పాల్పడింది. ఇందుకు సంబంధించిన వివరాలు పోలీసులు వెల్లడించారు ఆత్మకూరు మండలం హౌజూబుజూర్గు గ్రామానికి చెందిన నిమ్మల మురళితో 10 సంవత్సరాల క్రితం వివాహం జరిగిందని చెప్పారు. వీరికి 8 నెలల పాప ఉందని తెలిపారు. చిన్నారికి జన్మించినప్పుడు ఆరోగ్యరీత్యా బాగాలేకపోవడంతో గత మూడు నెలల క్రితం ఆపరేషన్ చేయించారని పేర్కొన్నారు.
గురువారం పాపను ఆసుపత్రికి తీసుకు వెళ్తానని చెప్పిన ఆమని దామెర మండలం ఉరుగొండ గ్రామ సమీపంలోని వ్యవసాయ బావిలో దూకి బలవన్మరణానికి పాల్పడిందని తెలిపారు. మృతదేహాలను పోస్ట్మార్టం నిమిత్తం ఎంజీఎం ఆసుపత్రికి తరలించామని అన్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.