ఫేస్బుక్ లైవ్లో ఓ వ్యక్తి బలవన్మరణానికి పాల్పడ్డారు. తన భార్య, అత్త, ఆమె కుమార్తెల వేధింపులు భరించలేక ఆత్మహత్య చేసుకుంటున్నట్లు ఆ వీడియోలో తెలిపారు. ఈ ఘటన ఆంధ్రప్రదేశ్లోని చిత్తూరు జిల్లా మదనపల్లెలో చోటు చేసుకుంది.
ఏం జరిగింది?
గుంటూరుకు చెందిన శంకరనారాయణ కుమారుడు ఉదయ్ భాస్కర్ కొంతకాలం క్రితం మదనపల్లెకు వచ్చి అద్దె ఇంట్లో ఉంటున్నారు. మదనపల్లెకు చెందిన సోనీతో ఆరేళ్ల క్రితం వివాహమైంది. ఉదయ్ భాస్కర్ ఓ ప్రైవేటు ఆసుపత్రిలో మేనేజర్‌గా పని చేస్తున్నారు. తరచూ భార్యాభర్తల మధ్య గొడవలు జరుగుతుండేవి. ఆదివారం రాత్రి ఉదయ్ భాస్కర్ భార్య సోనీ పుట్టింటికి వెళ్లింది. తన భార్య, ఆమె కుటుంబ సభ్యులు పెడుతున్న ఇబ్బందులు తట్టుకోలేక చనిపోతున్నట్లు వీడియోలో చెప్పారు. ఫేస్బుక్లో ఈ విషయాన్ని గుర్తించిన కొంతమంది స్నేహితులు బాధితుడి కుటుంబ సభ్యులు, పోలీసులకు సమాచారమిచ్చారు. వారు అక్కడికి చేరుకునేలోపే ఆయన మృతి చెందారు.