లారీకి తగిలిన విద్యుత్​ తీగలు.. డ్రైవర్​ మృతి!

లారీకి ప్రమాదవశాత్తు విద్యుత్​ తీగలు తగిలి డ్రైవర్​ మృతి చెందిన ఘటన వికారాబాద్​ జిల్లాలో చోటుచేసుకుంది. కేసు నమోదు చేసుకున్న పోలీసులు దర్యాప్తు చేస్తున్నారు.

వికారాబాద్ జిల్లా పరిగిలో విషాదం చోటుచేసుకుంది. టిప్పర్​ లారీకి ప్రమాదవశాత్తు హైటెన్షన్​ విద్యుత్​ వైర్లు తగిలి ఉమర్​ అనే డ్రైవర్ మృతి చెందాడు.

డస్ట్​లోడ్​తో ఉన్న టిప్పర్ లారీ ఖాళీ చేస్తుండగా.. లారీకి ప్రమాదవశాత్తు హైటెన్షన్ కరెంట్ తీగలు తగిలాయి. షార్ట్​ సర్క్యూట్ వల్ల లారీ ముందు టైరు పేలిపోయింది. కరెంటు తీగలు తగిలిన విషయం గమనించని ఉమర్​.. పేలిన టైరును చూసేందుకని లారీలోంచి కిందకు దిగే ప్రయత్నం చేశాడు. దీంతో డ్రైవర్​కు షాక్ తగిలి అక్కడే కుప్పకూలిపోయాడు. కొన ఊపిరితో ఉన్న డ్రైవర్​ను పరిగి ప్రభుత్వ ఆసుపత్రికి తరలించగా.. చికిత్స అందించేలోపే ప్రాణాలు విడిచాడు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.