రాత్రికి రాత్రే బాలిక మాయం.. అదృశ్యం కేసు నమోదు

పటాన్​చెరు పోలీసు స్టేషన్ పరిధిలో రాత్రికి రాత్రే బాలిక అదృశ్యమైంది. సోమవారం రాత్రి తమతో కలిసి భోజనం చేసి పడుకున్న కూతురు... ఉదయం కనిపించలేదని ఆమె తండ్రి తెలిపారు. స్థానికంగా గాలించినా ఆచూకీ లేదని పేర్కొన్నారు.

సంగారెడ్డి జిల్లా పటాన్​చెరు అంబేడ్కర్ కాలనీలో పదో తరగతి చదివే బాలిక అదృశ్యమైంది. సోమవారం రాత్రి తమతో కలిసి భోజనం చేసి పడుకున్న కూతురు.. ఉదయం కనిపించకుండా పోయిందని ఆమె తండ్రి జోసెఫ్ తెలిపారు. ఓ ప్రైవేటు కంపెనీలో ఉద్యోగం చేసే జోసెఫ్​కు ముగ్గురు కూతుళ్లు ఉన్నారు.

స్థానికంగా గాలించినా ఆచూకీ లేదని వాపోయారు. పటాన్​చెరు ఠాణాలో ఫిర్యాదు చేశారు. అదృశ్యం కేసు నమోదు చేసినట్లు పోలీసులు తెలిపారు.

ఇదీ చదవండి:Corona: నెల రోజుల్లో భారీగా తగ్గిన పాజిటివ్‌ కేసులు!