పేకాటలో జరిగిన చిన్న వివాదం ఓ దివ్యాంగుడిపై దాడికి కారణమైంది. తీవ్రగాయాలపాలైన యువకుడు అక్కడికక్కడే మరణించాడు. ఈ ఘటన మెదక్ జిల్లా అల్లాదుర్గం మండలం బైరన్‌దిబ్బ గ్రామంలో జరిగింది.
పేకాటలో వివాదం... పోయిన దివ్యాంగుడి ప్రాణం
మెదక్ జిల్లా బైరన్‌దిబ్బ గ్రామంలో దారుణం జరిగింది. పేకాటలో జరిగిన చిన్నపాటి గొడవ ఓ దివ్యాంగ యువకుడిపై దాడికి దారి తీసింది. తీవ్రగాయాలపాలైన బాధితుడు అక్కడిక్కడే మృతి చెందాడు.
పేకాట గొడవలో ప్రోయిన ప్రాణం
జిల్లాలోని బైరన్‌దిబ్బ గ్రామానికి చెందిన ఎర్రోళ్ల బస్వరాజ్ అనే దివ్యాంగుడు కూలి పని చేసుకుని కుటుంబాన్ని పోషిస్తున్నాడు. శుక్రవారం కొంత మందితో కలిసి గ్రామ శివారులో పేకాట ఆడాడు. ఈ క్రమంలో బస్వరాజ్‌కు, కోళ్లపల్లి భాస్కర్‌ అనే వ్యక్తితో డబ్బు పంపకం విషయంలో గొడవ జరిగింది. ఈ ఘర్షణలో తీవ్రగాయాలపాలైన బాస్వరాజ్‌ అక్కడికక్కడే మృతి చెందాడు. బాధితుడి భార్య ఫిర్యాదుతో కేసు నమోదు చేసిన పోలీసులు దర్యాప్తు చేస్తున్నారు.
ఇదీ చదవండి:శంషాబాద్లో కారు బీభత్సం.. ఇద్దరికి గాయాలు