విషాదం: ట్రాక్టర్​ ఢీకొని బాలుడు మృతి

సైకిల్​పై వెళుతున్న ఓ బాలుడిని ట్రాక్టర్​ ఢీకొట్టింది. ప్రమాదంలో బాలుడు అక్కడికక్కడే ప్రాణాలు కోల్పోయాడు. ఈ విషాద ఘటన నిర్మల్​ జిల్లాలో చోటుచేసుకుంది.

నిర్మల్ జిల్లా లక్ష్మణచాంద మండలం పార్​పల్లి తండా వద్ద రోడ్డు ప్రమాదం చోటుచేసుకుంది. ట్రాక్టర్​ ఢీకొని బానావత్​ రాజేశ్​ అనే బాలుడు మృతి చెందాడు.

రాజేశ్ పార్​పల్లి తండా నుంచి పార్​పల్లి గ్రామం వైపు సైకిల్​పై వెళ్తుండగా.. వెనక నుంచి వచ్చిన ట్రాక్టర్ అతివేగంతో ఢీకొట్టింది. ఈ ఘటనలో రాజేశ్​ అక్కడికక్కడే ప్రాణాలు కోల్పోయాడు. స్థానికుల సమాచారం మేరకు కుటుంబసభ్యులు ప్రమాద స్థలికి చేరుకున్నారు. అల్లారు ముద్దుగా పెంచుకున్న కొడుకు రోడ్డు ప్రమాదంలో చనిపోవటంతో కన్నీరుమున్నీరయ్యారు.

సమాచారం అందుకున్న పోలీసులు ఘటనా స్థలికి చేరుకున్నారు. పోస్టుమార్టం నిమిత్తం బాలుడి మృతదేహాన్ని ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.