రూ.10 లక్షల విలువైన గుట్కా స్వాధీనం.. ఒకరు అరెస్టు

మహబూబ్​నగర్​ జిల్లా కేంద్రంలో అక్రమంగా నిల్వ ఉంచిన నిషేధిత గుట్కాను టాస్క్​ఫోర్స్​ పోలీసులు పట్టుకున్నారు. రూ.10 లక్షల విలువైన గుట్కా బస్తాలను స్వాధీనం చేసుకుని వ్యాపారిని అదుపులోకి తీసుకున్నట్లు తెలిపారు.

మహబూబ్​నగర్ జిల్లా గ్రామీణ పోలీస్ స్టేషన్ పరిధిలో నిషేధిత గుట్కాను టాస్క్​ఫోర్స్​ పోలీసులు పట్టుకున్నారు. బీకే రెడ్డి కాలనీలో పెద్దఎత్తున నిషేధిత గుట్కాను నిల్వ ఉంచినట్లు సమాచారం అందుకున్న జిల్లా టాస్క్ఫో​ర్స్ పోలీసులు దాడులు జరిపారు. రూ.10 లక్షల విలువైన గుట్కా బస్తాలను స్వాధీనం చేసుకున్నట్లు తెలిపారు.

జడ్చర్ల గౌరీశంకర్ కాలనీకి చెందిన వ్యాపారి మహమ్మద్ సలీం ఈ వ్యాపారం చేస్తున్నట్లు పేర్కొన్నారు. దాడులలో స్వాధీనం చేసుకున్న గుట్కా బస్తాలతో పాటు అదుపులోకి తీసుకున్న వ్యక్తిని మహబూబ్​నగర్ గ్రామీణ పోలీస్ స్టేష్​న్​లో అప్పగించినట్లు చెప్పారు.

ఇదీ చదవండి: నేటి నుంచి రామోజీ ఫిల్మ్​ సిటీ రీఓపెన్​