దేవునూర్​లో పిడుగు పడి రెండు ఎద్దులు మృతి

పిడుగు పడటం వల్ల రెండు ఎద్దులు మరణించిన ఘటన వరంగల్​ అర్బన్​ జిల్లా ధర్మసాగర్​ మండలం దేవునూర్​ గ్రామంలో జరిగింది. ప్రభుత్వం ఘటనపై స్పందించి.. తనను ఆదుకోవాలని యజమాని కోరుతున్నారు.

వరంగల్​ అర్బన్​ జిల్లా ధర్మసాగర్​ మండలం దేవునూర్​ గ్రామంలో పిడుగుపాటుకు రెండు ఎద్దులు మృతి చెందాయి. గ్రామానికి చెందిన వల్లిగె రామారావు అనే రైతు రాత్రి తన ఎడ్లను ఇంటికి సమీపంలో కట్టేశాడు. శుక్రవారం ఉదయం కురిసిన వర్షానికి ఎడ్లపై పిడుగు పడింది.

ఈ ఘటనలో రెండు ఎద్దులు అక్కడికక్కడే మరణించాయి. వీటి విలువ రూ. 80 వేల పైనే ఉంటుందని రైతు రామారావు అన్నారు. ప్రభుత్వం ఘటనపై స్పందించి తనను ఆదుకోవాలని రైతు కోరుతున్నారు.

ఇదీ చదవండిఃభాగ్యనగరిలో 10లక్షల సీసీ కెమెరాల ఏర్పాటు..!