మహిళా కానిస్టేబుళ్ల సేవలు అభినందనీయం: సీపీ ప్రమోద్​కుమార్​

వరంగల్​ అర్బన్​ జిల్లా మామునూరులో 725 మంది మహిళా సివిల్​ కానిస్టేబుళ్ల పాసింగ్​ అవుట్​ పరేడ్​ కార్యక్రమాన్ని ఘనంగా నిర్వహించారు. ముఖ్యఅతిథిగా హాజరైన సీపీ ప్రమోద్​కుమార్​.. తొమ్మిది నెలలు శిక్షణ తీసుకున్న సిబ్బందికి శుభాకాంక్షలు తెలిపారు.

వరంగల్​ అర్బన్​ జిల్లా మామునూరు పీటీసీ కళాశాలలో మహిళా సివిల్​ కానిస్టేబుల్ పాసింగ్​ అవుట్​ పరేడ్​ కార్యక్రమంలో కమిషనర్​ ప్రమోద్​కుమార్​ పాల్గొన్నారు. రాష్ట్రంలోని పది పాత జిల్లాల నుంచి గతేడాది నియామకమైన 725 మంది మహిళా కానిస్టేబుళ్లు అధునాతనమైన సాంకేతిక పరిజ్ఞానంతో శిక్షణ పొందారని సీపీ పేర్కొన్నారు.

మామునూరు టీఎస్​ఎస్పీ నాలుగో బెటాలియన్​లో శిక్షణ పూర్తి చేసుకున్న 292 మంది ఏఆర్​ కానిస్టేబుళ్లకు పాసింగ్​ అవుట్​ పరేడ్ నిర్వహించారు. సమాజంలో పోలీసుల పాత్ర గొప్పదని ప్రజల భాగస్వామ్యంతో నేరరహిత సామాజాన్ని నెలకొల్పేలా విధులు నిర్వర్తించాలని సీపీ సూచించారు. తొమ్మిది నెలలు కలిసి శిక్షణ తీసుకున్న మహిళా పోలీసులు.. ఒకరికొకరు వీడ్కోలు చెప్పుకున్నారు.

ఇదీ చదవండిఃహైదరాబాద్​లో మళ్లీ చెలరేగుతూ దడ పుట్టిస్తున్న గొలుసు దొంగలు