ఏడుపదుల వయసులో వరంగల్ అర్బన్ జిల్లా రంగశాయిపేట ఎస్సీ కాలనీకి చెందిన ఐలమ్మ అనే వృద్ధురాలు పోరాటం చేస్తోంది. తన 20 గజాల స్థలాన్ని బుంగ జ్యోతి అనే మహిళ కబ్జా చేసిందని ధర్నా చేసింది. నివాసం ఏర్పరుచుకునేందుకు పనులు మొదలు పెట్టగా... చంపుతానంటూ బెదిరిస్తోందని ఆవేదన వ్యక్తం చేసింది.
స్థలం కబ్జా అయిందని 70 ఏళ్ల బామ్మ ఆందోళన - వరంగల్ వార్తలు
తన 20 గజాల స్థలాన్ని కబ్జాచేసి తనను ఇబ్బందులకు గురిచేస్తున్నారని... వరంగల్ అర్బన్ జిల్లా రంగశాయిపేట ఎస్సీ కాలనీకి చెందిన ఐలమ్మ అనే వృద్ధురాలు ధర్నా చేసింది. తన భూమి ఇప్పించి న్యాయం చేయాలని వేడుకుంది.
20 గజాల భూమి కోసం 70 ఏళ్ల బామ్మ ఆందోళన
న్యాయం చేయాలని... కార్పొరేటర్, వరంగల్ మహానగర పాలక సంస్థ అధికారులకు ఫిర్యాదు చేసినా పట్టించుకోవడం లేదని వృద్ధురాలు వాపోయింది. అధికారులు సైతం కబ్జాదారులకు సహకరిస్తున్నారని ఆరోపించింది. తన భూమి ఇప్పించాలని వేడుకుంది. న్యాయం జరిగేవరకు పోరాటం చేస్తానని ఐలమ్మ తెలిపింది.