'పల్లె ప్రగతి వల్లే రాష్ట్రానికి జాతీయ స్థాయిలో అవార్డులు'

వరంగల్​ గ్రామీణ జిల్లా వర్ధన్నపేట నియోజకవర్గంలోని ఉప్పరపల్లిలో ఏర్పాటు చేసిన డంపింగ్​ యార్డును మంత్రి ఎర్రబెల్లి దయాకర్​రావు.. ఎమ్మెల్యే ఆరూరి రమేష్​తో కలిసి ప్రారంభించారు. గ్రామాల్లో పల్లె ప్రగతి కార్యక్రమాన్ని శ్రద్ధగా చేపట్టినందు వల్లే రాష్ట్రానికి జాతీయ స్థాయిలో అవార్డులు దక్కుతున్నాయని మంత్రి పేర్కొన్నారు.

'పల్లె ప్రగతి' కార్యక్రమంతోనే పల్లెలు అభివృద్ధి చెందుతున్నాయని.. పల్లెలు పచ్చదనం పరచుకుని - పరిశుభ్రతతో ఉన్నందువల్లే, రాష్ట్రానికి జాతీయ స్థాయిలో అవార్డులు దక్కుతున్నాయని మంత్రి ఎర్రబెల్లి దయాకర్​రావు పేర్కొన్నారు. వరంగల్​ గ్రామీణ జిల్లా వర్ధన్నపేట నియోజకవర్గంలోని ఉప్పరపల్లిలో ఎమ్మెల్యే ఆరూరి రమేష్​, డీసీసీబీ ఛైర్మన్​ మార్నేని రవీందర్​రావుతో కలిసి డంపింగ్​ యార్డును మంత్రి ప్రారంభించారు.

పల్లె ప్రగతి కార్యక్రమం వల్ల పల్లెలు పచ్చగా మారాయని మంత్రి ఎర్రబెల్లి అన్నారు. డంపింగ్​ యార్డులు, ప్రకృతి వనాలు, నిరంతర పారుశుద్ధ్యం, సీసీ రోడ్లు, డ్రైనేజీలు, రైతు వేదికలు.. ఇలా అనేకం వస్తున్నాయన్నారు. నిరంతరం పారిశుద్ధ్యం జరుగుతున్నందున కరోనా వ్యాప్తి తగ్గిందని.. సీజనల్​ వ్యాధులు పూర్తిగా అదుపులోకి వచ్చాయని మంత్రి తెలిపారు.

ఇదీ చదవండిఃప్రతి ఇంటికి నల్లా కనెక్షన్లు ఇస్తాం : మంత్రి ఎర్రబెల్లి