మాస్కులు కట్టుకొని మనువాడారు!
ఏ నలుగురు ఒకచోట చేరినా కరోనా భయంతో దూరదూరంగా నిల్చుని మాట్లాడుకుంటున్నారు. షేక్హ్యాండ్కి బదులు.. సంస్కారంగా నమస్కారం పెట్టుకుంటున్నారు. మహబూబాబాద్ జిల్లాలో అయితే.. ఓ పెళ్లి వేడుకలో వధువు, వరుడు, బంధువులు, అతిథులు కరోనా భయంతో మాస్కులు వేసుకొని కన్పించారు. పురోహితుడు సైతం మాస్క్ ధరించి వేదమంత్రాలు చదివాడు. పందిట్లో.. పెళ్లి సందట్లో.. పట్టు చీరలు, నగలు, ఆడంబరాలతో పాటు.. మాస్కులు కూడా సందడి చేశాయి.