డా. అరుణ్​ను విధుల్లోంచి బహిష్కరించాలంటూ ధర్నా

నర్సింగ్​ స్టాఫ్​ పట్ల అసభ్యంగా ప్రవర్తించిన డా.అరుణ్​ను విధుల నుంచి బహిష్కరించాలని డిమాండ్​ చేస్తూ వరంగల్​ నగరంలో ఆశావర్కర్లు ఆందోళనకు దిగారు. అతని వేధింపులు తాళలేక.. తోటి ఉద్యోగి ఆత్మహత్యాయత్నానికి పాల్పడిన ఘటనను గుర్తుచేశారు.

వరంగల్​ అర్బన్​ జిల్లా కేంద్రంలోని డీఎంహెచ్​వో కార్యాలయం వద్ద ఆశావర్కర్లు ఆందోళనకు దిగారు. నర్సింగ్​ స్టాఫ్​ పట్ల అసభ్యంగా ప్రవర్తించిన డాక్టర్​ అరుణ్​ని విధుల్లోంచి బహిష్కరించాలని డిమాండ్​ చేశారు. అతని వేధింపులు తాళలేక విజయలక్ష్మి అనే సీవో గతంలో ఆత్మహత్యాయత్నానికి పాల్పడిందని తోటి ఉద్యోగులు వెల్లడించారు.

అరుణ్​ ప్రవర్తనపై ఉన్నతాధికారులకు ఫిర్యాదు చేసినా పట్టించుకోలేదని.. అందుకే విధులు ముగించుకుని ధర్నాకు దిగినట్లు ఆశా వర్కర్లు తెలిపారు. డాక్టర్​ అరుణ్​ను వెంటనే విధుల్లోంచి తొలగించాలని.. లేనిపక్షంలో ఆందోళనను మరింత ఉద్ధృతం చేస్తామని హెచ్చరించారు.

ఇదీ చదవండిఃఉన్నతాధికారుల వేధింపులు తాళలేక ఆత్మహత్యాయత్నం