బీడీ యాజమాన్యంతో కార్మికుల చర్చలు సఫలం

బీడీ యాజమాన్యంతో కార్మికుల కూలీ పెంపు చర్చలు శుక్రవారం జరిగాయని ఐఎఫ్​టీయూ రాష్ట్ర అధ్యక్షుడు తెలిపారు. పెంచిన కూలీలు నవంబర్ నుంచి చెల్లిస్తారని అన్నారు. లాక్​డౌన్​ కాలానికి ఆరువేల జీతం ఇవ్వనున్నట్లు ఒప్పందం కుదిరిందని పేర్కొన్నారు.

నిజామాబాద్​లో బీడీ యాజమాన్యం, కార్మిక సంఘాలకు మధ్య వేతనం పెంపుపై చర్చలు జరిగనట్లు ప్రగతిశీల బీడీ వర్కర్స్ యూనియన్ (ఐఎఫ్​టీయూ) అధ్యక్షుడు వనమాల కృష్ణ తెలిపారు. పెంచిన కూలీలు నవంబర్​ ఒకటో తేదీ నుంచి చెల్లిస్తారని అన్నారు.

ప్యాకింగ్ కార్మికులకు రూ.2,160, నెలసరి ఉద్యోగులకు రూ.1,200, బీడీలు చేసేవారికి రూ.1000, బీడీలకు రూ.2 పెరిగినట్లు తెలిపారు. లాక్​డౌన్ సమయలోని జీతం ఆరువేలు ఇచ్చేలా ఒప్పందం కుదిరిందన్నారు. దీంతో ఆరు లక్షల మందికి లబ్ధి చేకూరుతుందని పేర్కొన్నారు. ఈ కార్యక్రమంలో రాష్ట్ర ప్రధాన కార్యదర్శి ఎం.నరేందర్, జిల్లా ఉపాధ్యక్షుడు బి.మల్లేష్ పాల్గొన్నారు.