పసుపు, ఎర్రజొన్న, చెరకు పంటలకు మద్దతు ధర కల్పించాలనే డిమాండ్తో... నిజామాబాద్ రైతులు లోక్సభకు నామినేషన్ వేశారు. నామపత్రాల ఉపసంహరణకు బుధ, గురువారాలు గడువు ఉండగా... మొదటి రోజు ఒక్కరూ ఉపసంహరించుకోలేదు. ఎన్నికల బరిలో ఉండాలని నిర్ణయించుకున్నట్లు రైతు సంఘాలు తెలపడం వల్ల బ్యాలెట్ పద్ధతిలో ఎన్నికలు నిర్వహించడానికి అధికారులు సిద్ధమయ్యారు.
మిగతా వారంతా రైతులే...
నిజామాబాద్ లోక్సభ స్థానంలో నామినేషన్ల పరిశీలన అనంతరం 189 మంది అభ్యర్థులు బరిలో ఉన్నట్లు అధికారులు తెలిపారు. వీరిలో తెరాస, భాజపా, కాంగ్రెస్, పిరమిడ్, బహుజన ముక్తి, సమాజ్వాదీ ఫార్వర్డ్ బ్లాక్తో పాటు మరో ఇద్దరు స్వతంత్ర అభ్యర్థులుండగా... మిగతా వారంతా రైతులే.
14 నామినేషన్లు తిరస్కరణ
మొత్తం 14 నామినేషన్లు తిరస్కరణకు గురయ్యాయి. అఫిడవిట్, వివరాలు సరిగా నింపని కారణంగా వీటిని తిరస్కరించినట్లు రిటర్నింగ్ అధికారి తెలిపారు.
ఇవీ చూడండి:రైతుల కోసం పోరాడుతుంటే తమపైనే అసత్య ప్రచారమా ?
