జీవవైద్య వ్యర్థాల నిర్వహణపై మేయర్​ సమావేశం

నిజామాబాద్​ను వ్యర్థ రహిత నగరంగా మార్చే లక్ష్యంలో భాగంగా మంగళవారం జీవవైద్య వ్యర్థాల నిర్వహణ గురించి మున్సిపల్​ కార్యాలయంలో అధికారులు, వైద్యులతో​ మేయర్​ నీతూ కిరణ్​ సమావేశాన్ని నిర్వహించారు.

జీవవైద్య వ్యర్థాల నిర్వహణ గురించి నిజామాబాద్ మున్సిపల్​ కార్యాలయంలో అధికారులతో ​ మేయర్​ నీతూ కిరణ్​ మంగళవారం సమావేశాన్ని నిర్వహించారు. కార్యక్రమంలో మున్సిపల్​ కమిషనర్, డీఎంహెచ్​వో,ఐఎంఏ వైద్యులు తదితరులు పాల్గొన్నారు. నగరంలోని ప్రతి మెడికల్​ వేస్టేజ్​ను ఉత్పత్తి చేసే ఆసుపత్రులు, ప్యాథలాజికల్​ ల్యాబ్స్​, నర్సింగ్​ హోంలు, బ్లడ్​ బ్యాంకులు కలిసి మెడికేర్​ సర్వీసెస్​ వారితో అనుసంధానం చేసుకోవాలని మేయర్​ తెలిపారు.

నిజామాబాద్​ను వ్యర్థ రహిత నగరంగా మార్చుకునేందుకు చర్యలు చేపట్టామని అందులో భాగంగా జీవవైద్య వ్యర్థాలను ఎలా తొలగించాలో నిర్ణయించేందుకు అధికారులు, వైద్యులతో చర్చించినట్లు మేయర్​ నీతూ కిరణ్​ తెలిపారు. ఈ మెడికల్​ వేస్ట్​ను ఎక్కడపడితే అక్కడ పారేస్తే ప్రజలకు ఎన్నో రకాల రోగాలు వచ్చే అవకాశాలునన్నాయని.. అందుకే వారికి కేటాయించి చెత్త డబ్బాల్లోనే వేయాలని మేయర్ సూచించారు.