సాగర్​లో ఈసీ పర్యటన.. ఓటింగ్​ సరళి పరిశీలన

నాగార్జునసాగర్ ఉపఎన్నిక పోలింగ్ ప్రశాంతంగా కొనసాగుతోంది. సాగర్​లో పర్యటించిన ఈసీ శశాంక్ గోయల్.. పైలాన్, హిల్​కాలనీల్లోని పోలింగ్ కేంద్రంలో ఓటింగ్ సరళిని పరిశీలించారు.

నాగార్జునసాగర్​ ఉపఎన్నిక పోలింగ్ కొనసాగుతోంది. ప్రధాన పార్టీల అభ్యర్థులు ఓటు హక్కు వినియోగించుకున్నారు. సాగర్​లో రాష్ట్ర ఎన్నికల ప్రధానాధికారి శశాంక్ గోయల్, కేంద్ర ఎన్నికల పరిశీలకులు సజ్జన్ సింగ్ చౌహాన్, పోలీసు పరిశీలకులు సునీల్ కుమార్ మీనన్ పర్యటించారు.

సాగర్​లోని పైలాన్, హిల్​కాలనీలో ఉన్న పోలింగ్ కేంద్రాలను సందర్శించి ఓటింగ్ సరళిని పరిశీలించారు. ఎలాంటి అవాంఛనీయ ఘటనలు చోటుచేసుకుండా ఇప్పటివరకు ప్రశాంతంగా పోలింగ్ జరుగుతోందని ఈసీ గోయల్ తెలిపారు. వెబ్​కాస్టింగ్ ద్వారా ఎప్పటికప్పుడు ఎన్నికల సరళిని పర్యవేక్షిస్తున్నట్లు వెల్లడించారు.

• ఇదీ చదవండి :తిరుపతిలో దొంగ ఓట్ల కలకలం.. తెదేపా ఆందోళన