సూర్యాపేట జిల్లాలో కరోనా కోరలు చాస్తుంది. వారం వ్యవధిలోనే జిల్లాలో కేసుల సంఖ్య 20కి చేరింది. నిన్న ఒక్క రోజే 8 కేసులు నమోదయ్యాయి. ఇప్పటి వరకు సూర్యాపేట జిల్లా కేంద్రంతో పాటు, వర్ధమానుకోట, తిరుమలగిరి, నేరేడుచర్లలో కేసులు నమోదయ్యాయి. ఈ ప్రాంతాలన్నింటిని హాట్స్పాట్లుగా అధికారులు ప్రకటించారు .
రోజు రోజుకు కేసుల సంఖ్య పెరుగుతోన్న కారణంగా జిల్లా కేంద్రంలో లాక్డౌన్ను కఠినతరం చేశారు. ఇప్పటి వరకు పట్టణంలోని 15 వార్డులే రెడ్జోన్ పరిధిలో ఉండగా.. తాజా కేసులతో జిల్లా కేంద్రం మొత్తాన్ని రెడ్జోన్ పరిధిలోకి తెచ్చేందుకు కలెక్టర్, ఎస్పీ ప్రణాళికలు సిద్ధం చేశారు.