కాంగ్రెస్ నిరసన దీక్ష భగ్నం.. పలువురు నేతలు అరెస్ట్
కేంద్ర,రాష్ట్రప్రభుత్వాల రైతు విధానాలను నిరసిస్తూ నల్గొండ జిల్లా కేంద్రంలో కాంగ్రెస్ చేపట్టిన ధర్నాను పోలీసులు భగ్నం చేశారు. పీసీసీఅధ్యక్షుడు, స్థానికఎంపీ ఉత్తమ్‌కుమార్‌రెడ్డి పిలుపుతో కాంగ్రెస్ రాష్ట్ర నాయకులు దుబ్బాక నర్సింహారెడ్డి, డీసీసీ అధ్యక్షులు శంకర్నాయక్ ఆధ్వర్యంలో భారీ ఎత్తుల కార్యకర్తలు కలెక్టరేట్ ముట్టడించేందుకు యత్నించారు. కలెక్టర్ కార్యాలయంలోకి వెళ్లేందుకు యత్నించగా పోలీసులు అడ్డుకున్నారు. దీంతో ఆందోళనకారులు రోడ్డుపై బైఠాయించి ప్రభుత్వానికి వ్యతిరేకంగా నినాదాలు చేశారు.