ఈనాడు కథనానికి స్పందన..అక్రమ వెంచర్ల తొలగింపు..

నల్గొండ జిల్లా కేంద్రంలోని మినీ ట్యాంక్​బండ్ (వల్లభరావు) చెరువులో కబ్జాకు గురైన స్థలాలపై ఈనాడు కథనానికి అధికారులు స్పందించారు.

'మినీ ట్యాంక్​బండ్​లో అక్రమ పునాదులు' శీర్షికతో మార్సి 9న ఈనాడులో ప్రచురితమైన కథనానికి అధికారులు స్పందించారు. వల్లభరావు చెరువులో కట్టిన అక్రమ వెంచర్లను తొలగించారు. బఫర్ జోన్​లోని నిర్మాణాలపై ఆరా తీశారు.

ఎఫ్​టీఎల్ పరిధిలో ప్లాట్లుగా విభజిస్తూ ఏర్పాటు చేసిన హద్దురాళ్లను, అక్కడ కట్టిన పునాదులు, గోడలను అధికారులు తొలగించారు. చెరువు స్థలాన్ని ఆక్రమించి.. అక్రమ నిర్మాణాలు చేసిన వారిపై క్రిమినల్ చర్యలు తీసుకుంటామని తెలిపారు.