పంట అమ్మాలంటే రుజువు చూపించాలట!

అన్నదాతకు అడుగడుగునా అడ్డంకులే... పండించిన పంటను అమ్మాలంటే కూడా రుజువులడుగుతున్నారు. పండిందే అంతంత మాత్రం. అవైనా అమ్ముకుందామంటే కంది రైతులకు మార్కెట్​లో కష్టాలు తప్పడం లేదు.

నల్గొండ ఎస్​ఎల్​బీసీలోని బత్తాయి మార్కెట్​ యార్డులో ఫిబ్రవరి 26న కట్టంగూరు పీఏసీఎస్​ ఆధ్వర్యంలో కందుల కొనుగోలు కేంద్రాన్ని ప్రారంభించారు. కందుల కొనుగోలుకు శుక్రవారం నాడు రైతులకు టోకెన్లు ఇచ్చారు. తీరా ఇవాళ తీసుకొస్తే మార్కెట్​కు సెలవు అని బోర్డు పెట్టారు. ఎలాంటి సమాచారం లేకుండా సెలవు ప్రకటించారని రైతులు ఆరోపించారు.

మార్కెట్​కు తీసుకొచ్చినప్పుడల్లా 1000 నుంచి 2000 వరకు ఛార్జీలే అవుతున్నాయి. కందులు మార్కెట్​కు తీసుకురావాలంటే వీఆర్వో, ఏఈతో సంతకాలు కావాలని సూచించారు. సంతకం కోసం అధికారుల దగ్గరికి వెళితే పంటకు సంబంధించిన ఆధారాలు చూపమంటున్నారని కంటతడి పెడుతున్నారు.

ఇదీ చూడండి:ద్రవ్య వినిమయ బిల్లుకు శాసనసభ ఆమోదం