నిరుపేద కుటుంబాలకు నిత్యవసరాల పంపిణీ

భజన సంకీర్తనల్లో గెలుపొందిన నగదుతో నిత్యవసరాలు పంపిణీ చేశారు హుజూర్​నగర్​ వాసులు. అన్నమయ్య భజన మండలి ఆధ్వర్యంలో సుమారు 50 కుటుంబాలకు రోజువారి సరుకులను మున్సిపల్​ కమిషనర్​ చేతుల మీదుగా అందజేశారు.

సూర్యాపేట జిల్లా హుజూర్ నగర్ పట్టణంలో అన్నమయ్య భజన మండలి ఆధ్వర్యంలో సుమారు 50 కుటుంబాలకు నిత్యవసర వస్తువులు పంపిణీ చేశారు. భజన సంకీర్తనల్లో గెలుపొందిన నగదును నిరుపేద కుటుంబాలకు మున్సిపల్ కమిషనర్​ నాగిరెడ్డి చేతుల మీదుగా పంపిణీ చేశారు.

పట్టణం మొత్తం రసాయనాలను పిచికారి చేశామని మున్సిపల్​ కమిషనర్​ తెలిపారు. పట్టణంలో వలస కూలీలు 609 మంది ఉన్నారని పేర్కొన్నారు. వీరికి 12 కేజీల బియ్యం, రూ.500 రూపాయలు పంపిణీ చేస్తున్నామని వెల్లడించారు. పరిసరాలను పరిశుభ్రంగా ఉంచుకోవాలని, ఎప్పటికప్పుడు చేతులను శుభ్రపరుచుకోవాలి విజ్ఞప్తి చేశారు.

ఇవీ చూడండి:రేషన్​ సరే.. సామాజిక దూరం ఎక్కడ?