తెరాస గూటికి కొల్లాపూర్​ ఎమ్మెల్యే హర్షవర్ధన్​

కాంగ్రెస్​కు మరో ఎదురు దెబ్బ తగిలింది. కొల్లాపూర్​ శాసనసభ్యులు హర్షవర్ధన్​రెడ్డి కారెక్కడానికి సిద్ధమయ్యారు. తెరాస కార్యనిర్వాహక అధ్యక్షుడు కేటీఆర్​తో సమావేశమయ్యారు.

సార్వత్రిక ఎన్నికల వేళ హస్తం పార్టీకి కొలుకోలేని దెబ్బ తగులుతోంది. రోజుకో ఎమ్మెల్యే పార్టీ వీడుతున్నారు. తాజాగా కొల్లాపూర్​ శాసనసభ్యులు హర్షవర్ధన్​రెడ్డి తెరాస తీర్థం పుచ్చుకోనున్నారు. హర్షవర్ధన్​తో కలిపి గులాబీ గూటికి చేరిన కాంగ్రెస్​ ఎమ్మెల్యేల సంఖ్య తొమ్మిదికి చేరింది. ఇప్పటికే ఆత్రం సక్కు, రేగా కాంతారావు, హరిప్రియ నాయక్‌, కందాల ఉపేందర్‌ రెడ్డి, సుధీర్‌ రెడ్డి, సబితా ఇంద్రా రెడ్డి, కొత్తగూడెం ఎమ్మెల్యే వనమా వెంకటేశ్వరరావు తెరాసలో చేరుతున్నట్లు ప్రకటించారు.

ఇవీ చూడండి:'అరుణ చేరిక శుభపరిణామం'