బహిరంగ ప్రదేశాల్లో చెత్త వేస్తే జరిమానా: మర్రి

నాగర్​ కర్నూల్​ జిల్లా కేంద్రంలో నిర్వహించిన పట్టణ ప్రగతి కార్యక్రమంలో ఎమ్మెల్యే మర్రి జనార్దన్​రెడ్డి, కలెక్టర్​ శ్రీధర్​ పాల్గొన్నారు. 19, 20వ వార్డుల్లో పర్యటించి సమస్యలు అడిగి తెలుసుకున్నారు. పట్టణ ప్రగతిలో ప్రజలంతా భాగస్వాములు కావాలని కోరారు.

ఇంటిని ఎంత పరిశుభ్రంగా ఉంచుకుంటామో.. పరిసరాలను కూడా అంతే శుభ్రంగా ఉంచుకోవాలని నాగర్​ కర్నూల్​ ఎమ్మెల్యే మర్రి జనార్దన్ రెడ్డి విజ్ఞప్తి చేశారు. పట్టణ ప్రగతి కార్యక్రమంలో భాగంగా జిల్లా కేంద్రంలోని 19, 20వ వార్డుల్లో పర్యటించారు. మురికి కాలువలు, చెత్త వేసే ప్రదేశాలు, విద్యుత్ స్తంభాలను పరిశీలించారు.

చెత్తను ఆరుబయట వేయకూడదని.. అలా వేస్తే జరిమానా విధిస్తామని ఎమ్మెల్యే హెచ్చరించారు. చెత్త కారణంగానే ఈగలు, దోమలు, పందులు వ్యాప్తి చెందుతున్నాయని తెలిపారు. రోగాల బారిన పడకుండా ఉండటానికి ప్రజలంతా పట్టణ ప్రగతిలో భాగస్వాములు కావాలని కోరారు.

ఇవీ చూడండి:అక్రమ లేఅవుట్ల లెక్క తేల్చేందుకు సర్కారు సిద్ధం