Treatment to Cobra: పాములాంటి మూగజీవి బాధలో ఉంటే ఎవరూ ఆదుకునే సాహసం అసలు చేయరు. అందునా విషసర్పమైన నాగుపాము విషయంలో అసలు అడుగుముందుకేయరు. అలాంటిది పాములను సజీవంగా పట్టుకుని అడవుల్లో వదులుతూ పర్యవరణ పరిరక్షణకు సాగర్ స్నేక్ సొసైటీ వ్యవస్థాపకుడు కృష్ణసాగర్ దోహదపడుతున్నారు. ఆదివారం వనపర్తిలో ఆయన ఓ గాయపడిన నాగుపామును పట్టుకుని దానికి చికిత్స చేయించారు.
అసలేం జరిగిందంటే..
Treatment to Snake: వనపర్తి కొత్తకోట రోడ్డులోని భగీరథ చౌరస్తాలో ఒక ఇంటిని నిర్మిస్తున్నారు. మట్టిపెడ్డల కింద దాగున్న నాగుపాముపై మట్టిపెడ్డ పడడంతో దాని నడుము విరిగి అది కదలలేని స్థితిలో కొట్టుమిట్టాడుతోంది. దానిని గమనించిన స్థానికులు వెంటనే కృష్ణసాగర్కు సమాచారమిచ్చారు. గాయపడిన పామును ఆయన వైద్యుడు శ్రీనివాసరెడ్డి దగ్గరికి తీసుకెళ్లారు.
అక్కడే పాముకు ఎక్స్రే తీయగా నడుము వద్ద ఎముకలు విరిగినట్లుగా గుర్తించారు. పశువైద్యాధికారి ఆంజనేయులు సమక్షంలో సర్పానికి ప్లాస్టర్ ఆఫ్ పారిస్ (సిమెంటుపట్టి) వేసి చికిత్స అందించారు. పాముకు వైద్య చికిత్స అందించిన కృష్ణసాగర్ను అందరూ అభినందించారు. సర్పాలు కనిపిస్తే తనకు సమాచారమివ్వాలని, చంపవద్దని ఆయన కోరారు. గతంలోనూ ఇలా ఒక పాము కరెంటుతీగలో చిక్కుకుంటే చికిత్స చేయించామని గుర్తుచేశారు.
ఇదీ చదవండి:Father raped Daughters : కన్నతండ్రే కాటేస్తే.. చావే శరణమనుకున్నారు కానీ..
