పంచాయతీరాజ్​ సమ్మేళనంలో 'ఈటీవీ' కథనం

పచ్చదనం, పరిశుభ్రత, అభివృద్ధికి మారుపేరుగా నిలిచి ఆ గ్రామాన్ని ప్రగతి పథంలో నడిపించిన తీరును ఈటీవీ కథనంగా మలిచి ప్రసారం చేసింది. ఆ కథనాన్ని పంచాయితీరాజ్ సమ్మేళనంలో ప్రసారం చేస్తూ.. అధికారులకు, సర్పంచ్​లకు అవగాహన కల్పిస్తున్నారు.

మహబూబ్ నగర్ జిల్లా ఫరూక్ నగర్ మండలం గంట్లవెల్లి గ్రామం గురించి ఈటీవీ తెలంగాణ ప్రత్యేక కథనాన్ని ప్రసారం చేసింది. గ్రామస్తులు, అధికారుల సమన్వయంతో ఆ గ్రామం ప్రగతి పథంలో నడిచిన వైనం అధికారులను, ప్రజా ప్రతినిధులను ఆకట్టుకున్నది.

రాష్ట్రంలో పంచాయితీరాజ్ సమ్మేళనం కార్యక్రమాలు అన్నీ జిల్లాల్లో నిర్వహిస్తున్నారు. మహబూబ్ నగర్ జిల్లాలో ఈటీవీ కథనాన్ని ప్రత్యేకంగా ప్రదర్శిస్తూ.. అందరూ ఇలాగే చేయాలని అధికారులు సూచిస్తున్నారు. ఈ కథనం ప్రదర్శించడం ద్వారా ప్రజలకు అవగాహన కల్పించడం అధికారులకు కాస్త సులువుగా మారింది.