షర్మిల ఖమ్మం పర్యటన వాయిదా

వైఎస్​ షర్మిల తలపెట్టిన ఖమ్మం పర్యటన వాయిదా పడింది. ఎమ్మెల్సీ ఎన్నికల కోడ్ అమలులో ఉన్నందున... వాయిదా వేసుకున్నట్టు ఆమె సన్నిహుతులు తెలిపారు. ఎన్నికల అనంతరం ఆత్మీయ సమ్మేళనం నిర్వహించనున్నట్టు వెల్లడించారు.

వైఎస్​ షర్మిల ఖమ్మం జిల్లా పర్యటన వాయిదా పడింది. తెలంగాణలో వైఎస్​ రాజశేఖర్ రెడ్డి అభిమానులతో ఆత్మీయ సమావేశాలు నిర్వహించాలని నిర్ణయించారు. అందులో భాగంగా... ఈ నెల 9న హైదరాబాద్​లోని ఆమె నివాసం లోటస్ పాండ్​లో నల్గొండ జిల్లా నేతలతో భేటీ అయ్యారు. తెలంగాణలో రాజన్న రాజ్యం కోసం కొత్త పార్టీ పెట్టాలని భావిస్తున్నట్టు తెలిపారు. అందుకోసం వైఎస్సాఆర్​ అభిమానుల నుంచి సలహాలు, సూచనలు స్వీకరించారు.

సమావేశాలకు లోటస్​ పాండ్​ సరిపోదని భావించిన షర్మిల... జిల్లాల్లోనే పర్యటించాలని నిర్ణయించారు. ఈ నెల 21న ఖమ్మంలో ఆత్మీయ సమ్మేళనానికి ముహూర్తం ఖరారు చేసుకున్నారు. గ్రాడ్యుయేషన్ ఎమ్మెల్సీ ఎన్నికల కోడ్ అమలులో ఉన్నందున... ఖమ్మం పర్యటనను వాయిదా వేసుకున్నట్టు ఆమె సన్నిహితులు తెలిపారు. ఎమ్మెల్సీ ఎన్నికలు ముగిసిన తర్వాత సమావేశం కానున్నట్టు వెల్లడించారు.

ఇదీ చూడండి:రాజన్న రాజ్యం కోసం ఖమ్మం జిల్లాలో షర్మిల పర్యటన