డ్రిల్లింగ్​ దొంగల హల్​చల్​.. ప్రజలు పరేషాన్​

ఖమ్మం జిల్లా ఇల్లందులో డ్రిల్లింగ్​ శబ్ధం వినిపిస్తేనే ప్రజలు ఉలిక్కిపడుతున్నారు. గత అనుభవాలను తలచుకొని భయం భయంగా గడుపుతున్నారు. దుండగుల ఆటకట్టించాలని పోలీసులను కోరుతున్నారు.

భద్రాద్రి కొత్తగూడెం జిల్లా ఇల్లందులో డ్రిల్లింగ్​ దొంగలు హల్​చల్​ చేస్తున్నారు. అర్ధరాత్రి వేళ తలుపులకు రంధ్రాలు చేసి చోరీలకు యత్నిస్తున్నారు. గతంలో జరిగిన ఘటనలను తలచుకొని ప్రజలు భయాందోళనకు గురవుతుండగా.. పోలీసులకు ఈ కేసులు సవాల్​గా మారుతున్నాయి.

ఇల్లందు పట్టణంలోని స్టేషన్ బస్తీలో వరుసగా రెండు రోజులపాటు ఎల్లమ్మ, ముత్తమ్మ అనే మహిళల ఇంట్లో చోరీకి విఫల యత్నం జరిగింది. ఇంటి వెనుక భాగంలో తలుపు గడియ ఉన్నదగ్గర డ్రిల్లింగ్ చేసేందుకు దుండగుడు యత్నించాడు. ఆ శబ్దానికి ఇంట్లోవాళ్లు లేవడం వల్ల అక్కడ నుంచి పారిపోయాడు.

గతంలోనూ ఇల్లందులో పలుచోట్ల తలుపు గడియ ఉన్న దగ్గర రంధ్రాలు చేసి.. దొంగతనాలకు పాల్పడిన ఘటనలు అనేకం ఉన్నాయి. దీంతో స్థానికులు భయాందోళనకు గురవుతున్నారు. దుండగులను త్వరగా పట్టుకోవాలని ప్రజలు కోరుతున్నారు.

ఇవీచూడండి:కంటైనర్‌ నుంచి రూ.2 కోట్ల విలువైన సెల్‌ఫోన్ల అపహరణ..