'నామ ముత్తయ్య ట్రస్టు' మాస్కుల పంపిణీ, అన్నదానం

నామ ముత్తయ్య మెమోరియల్ ట్రస్ట్​ ఆద్వర్యంలో ఖమ్మలోని పెట్రోల్​ బంకుల్లో పనిచేసే సిబ్బందికి మాస్కులు పంపిణీ చేశారు. డబుల్​ బెడ్​ రూమ్​ నిర్మాణంలో పనిచేస్తున్న వలస కూలీలకు అన్నదానం చేశారు.

ఖమ్మంలో ఎంపీ నామ నాగేశ్వరావు ఆదేశాల మేరకు నామ ముత్తయ్య మెమోరియల్ ట్రస్ట్ అధ్వర్యంలో మాస్కులు, అన్నదాన కార్యక్రమం నిర్వహించారు. ఖమ్మం నగరంలోని టేకులపల్లి డబుల్​ బెడ్​ రూమ్​ నిర్మాణంలో మధ్యప్రదేశ్​ వలస కూలీలకు భోజనం పెట్టారు. నగరంలోని పెట్రోల్ బంకుల్లో పని చేస్తున్న సిబ్బందికి మాస్కులు పంపిణీ చేశారు.

లాక్​డౌన్​ ప్రారంభమైనప్పటి నుంచి నామ ముత్తయ్య మెమోరియల్ ట్రస్ట్ ఆధ్వర్యంలో అన్నదానం నిర్వహిస్తున్నారు. విధుల్లో ఉన్న ప్రభుత్వ సిబ్బందికి, పోలీస్, జర్నలిస్టులకు, పారిశుద్ధ్య కార్మికులకు... మాస్కులు, శానిటైజర్లు, వాటర్ బాటిళ్లను అందచేస్తున్నారు. ఈ కార్యక్రమంలో నామ సేవసమితి అధ్యక్షుడు పాల్వంచ రాజేష్, ప్రధాన కార్యదర్శి చీకటి రాంబాబు, ఉపాధ్యక్షుడు సరిపూడి కోపి సందేశ్​, రావూరి శ్రీను, కృష్ణప్రసాద్ పాల్గొన్నారు.

ఇదీ చదవండి:'వేసవిలో భారత్​ కరోనాను జయించొచ్చు!'