'ప్రజలపై భారాన్ని మోపి మోదీ పాలన సాగిస్తున్నారు'

ఖమ్మం జిల్లాలో కాంగ్రెస్​ ఎంపీ అభ్యర్థి రేణుకా చౌదరి రోడ్​షో నిర్వహించారు. ప్రజలపై భారాన్ని మోపుతూ మోదీ దేశాన్ని నిరంకుశంగా పాలిస్తుంటే.. రాష్ట్రంలో కేసీఆర్ ఇతర పార్టీ నేతలను డబ్బులు పెట్టి కొనుగోలు చేస్తున్నారని ఆమె ఆరోపించారు.

ఖమ్మం జిల్లాలో తెదేపా మద్దతుతో కాంగ్రెస్​ అభ్యర్థిగా పోటీ చేస్తున్న రేణుకా చౌదరి రోడ్​షో నిర్వహించారు. జమలాపురం వెంకటేశ్వరస్వామి ఆలయంలో ప్రత్యేక పూజలు చేసిన తర్వాత ప్రచార కార్యక్రమంలో పాల్గొన్నారు. హస్తం గుర్తుకు ఓటేసి ఖమ్మం ఎంపీ స్థానాన్ని రాహుల్​గాంధీకి కానుకగా ఇద్దామంటూ ఓటర్లను ఉత్సాహపరిచారు. సభలో మోదీ, కేసీఆర్​లపై ధ్వజమెత్తారు రేణుకాచౌదరి. ప్రజలపై భారాన్ని మోపుతూ మోదీ నిరంకుశ పాలన సాగిస్తున్నారని ఆరోపించారు. కేసీఆర్​ సంతలో పశువులను కొన్నట్లు ఇతర పార్టీ ఎమ్మెల్యేలను తనవైపు తిప్పుకుని ప్రజాస్వామ్యాన్ని అపహాస్యం చేస్తున్నారని విమర్శించారు.

ఇదీ చదవండిః నరేంద్ర మోదీని ఇంటికి పంపాలి: భట్టి విక్రమార్క