'వ్యవసాయ బిల్లుతో దేశానికి పొంచిఉన్న ప్రమాదం'

భాజపా ప్రవేశపెట్టిన వ్యవసాయ బిల్లును సీపీఐ సీనియర్​ నేత కూనంనేని సాంబశివరావు తీవ్రంగా ఖండించారు. వ్యవసాయ దేశంగా ఉన్న భారత్​ను చీకట్లోకి తీసుకెళ్లేందుకే ఈ బిల్లులను తీసుకొచ్చిందని ఖమ్మంలో ఆగ్రహం వ్యక్తం చేశారు.

కేంద్ర ప్రభుత్వం తీసుకొచ్చిన వ్యవసాయ బిల్లులతో దేశానికి ప్రమాదం పొంచి ఉందని సీపీఐ సీనియర్ నేత కూనంనేని సాంబశివరావు ఖమ్మంలో మండిపడ్డారు. వ్యవసాయ దేశంగా ఉన్న భారత్​ను చీకట్లోకి తీసుకెళ్లేందుకే మోదీ ప్రభుత్వం నూతన వ్యవసాయ బిల్లులను తీసుకొచ్చిందని కూనంనేని ఆగ్రహం వ్యక్తం చేశారు. రైతుల భవిష్యత్​ను కార్పొరేట్ శక్తుల చేతుల్లో పెట్టేందుకు కంకణం కట్టుకున్న కేంద్ర ప్రభుత్వానికి ప్రజలు బుద్ధి చెప్పాలన్నారు. రైతుల పక్షాన కనీసం ఆందోళనలు కూడా చేసే వీలులేకుండా కొవిడ్ సమయంలో బిల్లులు తీసుకొచ్చారని తీవ్ర ఆగ్రహం వ్యక్తం చేశారు.

ఇదీ చూడండి: ఉత్తర భారత పంటలకు ఎంఎస్​పీ పెంపు సరే... మరి మిగతావాటి మాటేమిటీ?