ఎండవేడిమికి అస్వస్థతకు గురైన తెరాస ఎమ్మెల్యే

Illness to Jagtial MLA: గత రెండు రోజులుగా ఎండలు మండిపోతున్నాయి. ఉదయం 11 దాటిందంటే బయటకు వెళ్లాలంటేనే జంకాల్సిన పరిస్థితి నెలకొంది. ఈ నేపథ్యంలోనే అభివృద్ధి కార్యక్రమాల్లో పాల్గొనేందుకు బయటకు వచ్చిన జగిత్యాల ఎమ్మెల్యే అస్వస్థతకు గురయ్యారు.

Illness to Jagtial MLA: రాష్ట్రంలో ఎండలు అప్పుడే దంచికొడుతున్నాయి. ఉదయం 10 దాటిందంటే జనాలు బయటకి రావాలంటే జంకుతున్నారు. ఈ క్రమంలోనే జగిత్యాల ఎమ్మెల్యే ఎండవేడిమికి సొమ్మసిల్లిపడిపోయారు.

జగిత్యాల ఎమ్మెల్యే సంజయ్‌కుమార్‌ కల్యాణ లక్ష్మి, సీఎం సహాయనిధి పథకం చెక్కులను ఇంటింటికి తిరుగుతూ ఎండలోనే పంపిణీ కార్యక్రమం చేపట్టారు. అలా ఎండవేడిమిని సైతం లెక్కచేయకుండా తిరిగినా ఎమ్మెల్యే అస్వస్థతకు గురై సొమ్మసిల్లిపడిపోయారు. కార్యక్రమం మధ్యలోనే ఎస్వీఎల్‌ఆర్‌ గార్డెన్‌లో ఓ బెడ్‌ తెప్పించుకుని అక్కడే కొద్దిసేపు సేదతీరారు.

అప్పటికే కొంత వెన్నునొప్పిగా ఉందని.. ఎండలో ఇంటింటికి తిరగటం వల్ల నీరసించినట్టు సంజయ్​కుమార్ తెలిపారు. తన ఆరోగ్యం బానే ఉందని ఎలాంటి ఆందోళన చెందాల్సిన అవసరం లేదన్నారు. కాసేపు సేదతీరిన ఎమ్మెల్యే మళ్లీ యథావిధిగా కార్యక్రమంలో పాల్గొని పంపిణీ చేపట్టారు.

ఇదీ చదవండి:పెరుగు ప్యాకెట్​ తీసుకొచ్చేందుకు వెళ్లి.. ప్రాణాలే కోల్పోయాడు..!