కాలుష్య కోరల్లో నగర వాసులు

కరీంనగర్ నగర వాసులను.. కొవిడ్​తో పాటు కాలుష్య సమస్య వేధిస్తోంది. శివారులోని డంపు యార్డులో భారీగా పేరుకుపోయి ఉన్న చెత్తకు.. పారిశుద్ధ్య కార్మికులు నిప్పంటించారు. ఒక్కసారిగా మంటలు చెలరేగి పొగలు వ్యాపించడంతో.. స్థానికులు తీవ్ర ఇబ్బందులు ఎదుర్కొన్నారు.

ఓ వైపు కొవిడ్​ వైరస్​తో పోరాడుతుంటే.. తమ ప్రాంతంలో నగరపాలక సంస్థ కాలుష్యాన్ని పెంచుతోందంటూ కరీంనగర్ నగర వాసులు ఆగ్రహం వ్యక్తం చేశారు. ఉన్న సమస్యలతోనే తట్టుకోలేక పోతుంటే.. డంప్​ యార్డ్​ కారణంగా ఉత్పన్నమవుతోన్న పొగతో ఇబ్బందులు ఎదుర్కొంటున్నామని వాపోయారు.

పాలక సంస్థ పరిధిలోని పలు ప్రాంతాల నుంచి చెత్తను సేకరించి నగరంలోని డంప్​ యార్డ్​లో సమకూర్చారు. చెత్త భారీగా పేరుకుపోవడంతో.. పారిశుద్ధ్య కార్మికులు ఆ కుప్పకు నిప్పంటించారు. ఒక్కసారిగా మంటలు చెలరేగి పొగలు వ్యాపించడంతో.. ఆటోనగర్, హౌసింగ్ బోర్డ్ కాలనీ, లక్ష్మీ నగర్ వాసులు తీవ్ర ఇబ్బందులు ఎదుర్కొన్నారు. అధికారులు వెంటనే స్పందించి.. కాలుష్యం నుంచి కాపాడాలని వేడుకున్నారు.

ఇదీ చదవండి:ఏపీ నుంచి వచ్చే కొవిడ్ రోగులను అనుమతించని పోలీసులు