రాఖీపౌర్ణమిపై కరోనా ప్రభావం... వెలవెలబోతున్న మార్కెట్లు

రాఖీపౌర్ణమిపై కొవిడ్​ ప్రభావం భారీగా పడుతోంది. ఇప్పటికే మహిళలతో కిటకిటలాడాల్సిన కరీంనగర్​లోని వ్యాపార సముదాయాలు... కరోనా వైరస్​ విజృంభిస్తున్న నేపథ్యంలో వెలవెలబోతున్నాయి. సోదరులకు రాఖీలు కొనడానికి బయటికివచ్చేందుకు సోదరీమణులు జంకుతున్నారు.

కరోనా మహమ్మారి ప్రభావం రాఖీపౌర్ణమిపై పడింది. సోదర సోదరీమణులకు అనుబంధానికి ప్రతీక అయిన రక్షాబంధన్​ నేపథ్యంలో... కరీంనగర్​ టవర్ సర్కిల్​ వారం రోజుల ముందు నుంచి కొనుగోలుదారులతో కిటకిట లాడేది. ప్రస్తుత పరిస్థితులతో వ్యాపార సముదాయాలు వెలవెలబోతున్నాయి.

రాఖీలను ఖరీదు చేసేందుకు మహిళలు సైతం బయటకు వచ్చేందుకు జంకుతున్నారు. ఈ క్రమంలో రాఖీల వ్యాపారంపై ఆధారపడ్డ సీజనల్ వ్యాపారస్థులు లబోదిబోమంటున్నారు. గతంలో మిగిలిపోయిన స్టాక్​తో పాటు ఈ ఏడాది కొత్తగా కొనుగోలు చేసిన రాఖీలు అమ్ముడు పోయే పరిస్థితి కనబడడం లేదని వ్యాపారులు ఆందోళన వ్యక్తం చేస్తున్నారు.

ఇదీ చదవండి:ఆగస్టు, సెప్టెంబర్​ నెలల్లో మరింతగా కరోనా విజృంభణ: ఈటల