ప్రేమ విఫలమైందని కొరియర్​ బాయ్ ఆత్మహత్య..!

బోరబండకు చెందిన 22 ఏళ్ల ఓ కుర్రాడు ఫ్యాన్​కు ఉరేసుకుని అర్ధాంతరంగా తనువు చాలించాడు. కారణం ప్రేమేనంటున్నారు స్థానికులు. కేసు నమోదు చేసుకున్న పోలీసులు దర్యాప్తు చేస్తున్నారు.

హైదరాబాద్ సనత్‌నగర్ పోలీసు స్టేషన్ పరిధిలో ఓ యువకుడు బలవర్మణానికి పాల్పడ్డాడు. ఇంట్లో ఎవరూలేని సమయంలో ఫ్యాన్‌కు ఉరివేసుకుని చనిపోయాడు. ఘటనకు ప్రేమ వ్యవహారమే కారణమని స్థానికులు అనుమానం వ్యక్తం చేస్తున్నారు. మృతుడిని బోరబండ శివాజీనగర్‌కు చెందిన 22ఏళ్ల వినోద్​గా గుర్తించారు.

పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. మృతుడు వినోద్​ కొరియర్ బాయ్‌గా పనిచేస్తుంటాడని.. స్థానికంగా పనిచేసే యువతితో పరిచయం ఏర్పడిందని స్థానికులు చెబుతున్నారు.

ఇదీ చూడండి : 'తెలుగు జాతి ఉన్నంత వరకు ఎన్టీఆర్​ ఉంటారు'