ఎమ్మెల్యే వంశీ సభలో వైకాపా శ్రేణుల బాహాబాహీ

ఏపీలోని కృష్ణా జిల్లా గన్నవరం మండలం కేసరిపల్లిలో వైకాపా నేతలు బాహాబాహీకి దిగారు. ఎమ్మెల్యే వంశీ హాజరైన కార్యక్రమంలో ఇరువర్గాల మధ్య గొడవ జరిగింది.

ఆంధ్రప్రదేశ్​లోని కృష్ణా జిల్లా గన్నవరం మండలం కేసరిపల్లిలో వైకాపా కార్యకర్తల మధ్య ఘర్షణ జరిగింది. గ్రామంలో పలు అభివృద్ధి పనులను ఎమ్మెల్యే వల్లభనేని వంశీమోహన్ ప్రారంభించారు. ఈ సభలోనే వైకాపా శ్రేణులు పరస్పర దాడులు చేసుకున్నాయి.

సామాజిక మాధ్యమాల్లో తనపై అసభ్యకర పోస్టులు ఎందుకు పెడుతున్నావంటూ వంశీ అనుచరుడైన ముప్పలనేని రవికుమార్​ను గన్నవరం వ్యవసాయ సలహా మండలి కమిటీ అధ్యక్షుడు కసరనేని గోపాలరావు ప్రశ్నించటంతో వివాదం చెలరేగింది. ఇరువర్గాలు రెచ్చిపోయి పరస్పరం రాళ్లతో దాడులు చేసుకున్నాయి. పోలీసుల జోక్యంతో గొడవ సద్దుమణిగింది.

ఇదీ చదవండి:కనకదుర్గమ్మను దర్శించుకున్న మంత్రి తలసాని